یاری نامۆ

خاتونه‌که‌ی باب خاون زێر
په‌ره‌نگ له زێر
قۆلباخ له زێر
پاوانه زێر
دانیشتوی ناو پێنج نهوومی له ره‌نگی زێو.
نامه‌که‌تم له به‌ر ده‌مه،
حیکایه‌تی تۆم بۆ ئه‌کا،
بۆت نوسیوم:
“ خۆشم ئه‌وه‌یی ،
ده‌تپه‌ره‌ستم
شاسواری خه‌یالاتی رۆژ و شه‌وێی!”

آرام
شاعر، نویسنده

 بۆ سنور

بۆ ئه‌م كیژه گه‌نجه‌ی ناموس حوکمی له سه‌ردا و شه‌ره‌ف كوشتی.
***
کاتێ چاویان له تۆ دزی،
پاركی دایك سور داگه‌را.
ئالای هه‌لمه‌ت و قوربانی
له ناو بلێسه‌ی شه‌ره‌ف دا،
چلكن و بۆر، سوتێندرا.
سلیمانی،
بۆته شارێكی بریندار
هه‌مو رۆژێ
به‌شێكی لێ ده‌كه‌ن به گۆر.

آرام
شاعر، نویسنده

ئۆغر

له سه‌ر سنگی شه‌لالی ده‌ردی ده‌ریا ،
به‌ره‌و رۆخا ده‌هێنی مێر منالێ،
شه‌پۆلی بێ قه‌راری دیلی شه‌و، با .
له ژێر تیشکی خه‌فه‌ت باری هه‌تاوا،
وه‌كو خونچه كه داخراون لێوانی،
به‌یانی، په‌یكه‌ری ئه‌شوا له ئاوا.
له باوه‌ش رۆخی ویشكی به‌ژنی زه‌ریا
ده‌پچرێنێ به‌رۆكی، دایكی شه‌یدا.

آرام
شاعر، نویسنده

ته‌ون

هه‌مۆ رۆژێ هه‌تا شه‌وێ،
به ئه‌نگۆستی خوێن تێزام ،
گولی فه‌رشی سه‌دان ره‌نگی
خاوه‌نی زێر ده‌نه‌خشێنم .
دوازه پاییزه ته‌مه‌نم
دایك مردوو ، خوشك برسی
بێكاره باوكی ره‌به‌نم.

آرام
شاعر، نویسنده

خوشكۆله نان فرۆشه‌كه‌م

وا هاوینه،
نیگا ئاسك ئاساكانت له دور ،
مه‌ودای نیوان ئاسمان و ئه‌رز
داره روته‌له‌كانی شار
كه هه‌ر وه‌ک خۆت بێ به‌رگ و تینون بریوه و
تاوی به‌تین سه‌ر كۆلمه‌كانت ئه‌نگێوێ و
شه‌مالی گه‌رم ،
هێدی هێدی‌، قژی تۆزاویت ئه‌بزێوێ.

آرام
شاعر، نویسنده

کوبانی

به دلهره‌ یک بوسه میمانی
در اغوش اخرین دیدار.
در سکوت عمیقت
صدای سقوط زردبرگ پاییز پیداست.
به مکث زمان میمانی
مبهوت از بوسه اتشین بر پیشانی حرکت.
به لمس شبنم میمانی
بر لبانی مملو از لبخند .

آرام
شاعر، نویسنده

ئه‌ستێره

ئه‌ستێره‌م كرد
به فانووس و
به سه‌ر ده‌رگای هه‌ژارانا ،
هه‌لمواسی .
له شه‌رمانا چوو به هه‌‌ردا.

آرام
شاعر، نویسنده